Heilt sidan 1994 har Friheim i Langevåg stått som teknisk arrangør av "GLADVEKA" i Langevåg. Denne veka er spekka av musikk, leik og moro frå morgon til kveld. "GLADVEKA" er eit kurstilbod innan musikk, og det går i regi av Friheim i Langevåg i Møre og Romsdal, og er tilpassa korpsmusikarar mellom 11 og 14 år. Av kursinnhaldet kan nemnast:
* Instrumental-undervisning
* Gruppesamspel
* Kammermusikk
* Felleskorps
* Musikkteori
* Høyrelære
* Streetparade (om veret tillet)

Alle musikkaktivitetar, måltid og sosialt samvær, vil vere på FRIHEIM i Langevåg, og kurset avsluttast på fredag med ein innhaldsrik konsert der dei unge musikarane får vise kva dei har lært. Her vil også foregå samspel saman med dei profesjonelle instruktørane.

Instruktørstaben er plukka frå dei fremste i vårt distrikt og . Dei er velkjende musikarar som har sitt levebrød innan musikk og pedagogikk. Alle har dessutan bakgrunn frå korpsmiljø. Kursleiarar er Kåre Nymark Jr. og Vebjørn Sæther

Overnatting vil vere på eigen overnattingstad ved idrettsplassen i Langevåg. Her vert gutar og jenter plassert på eigne overnattingsrom, der vaksne "vakter" er tilstades på romma heile natta. Kursopplegget vil gi god plass for fritidsaktivitetar av ymse slag. Særleg populær har fotballkampen mot instruktørane vore. Fritidsaktivitetane er sjølvsagt avhengig av veret, men ein badeshorts, gode joggesko saman med noko trimtøy, kan vere god å ha med i sekken.

Då det er stor rift om plassane, så er det lurt å vere tidlig ute med påmeldinga. I stor grad er det prinsippet "først til mølla" som gjeld, men ein må ofte ta omsyn til alder og instrument, slik at ein ikke får 50 på trommer og 2 på klarinett.
Ofte er det fleire personer frå same korps som melder seg på. Det kan vere lurt, for då har ein i alle fall ein kamerat eller veninne å forholde seg til, men det viser deg at kontoen for vener og venninner har vokse etter at sommaren er over. Ein kan freiste å søke om tilskott fra komune eller annan stad, slik at ein ikkje tærer for mykje på korpsøkonomien.
Korpleiarar, instruktører, føresette og deltakarar har fleire lovord om kurset, og kjem attende på kurs fleire somrar. Ein kan tydeleg merke forskjell på deltakarar før og etter kurset.

Om du ønsker meir informasjon, så er du velkomen til å sende ein epost til info@friheim.no eller oddbjorn.oien@mimer.no

VEL MØTT!